Kim Çen İn. Foto: Reuters

Şimali Koreya lideri Kim Çen İnin qatarı Vyetnama çatıb.

Sputnik yazır ki, ABŞ prezidenti Donald Trampla baş tutacaq zirvə görüşü üçün Vyetnama gələn Şimali Koreya lideri Donq Danq şəhərində rəsmi mərasimlə qarşılanıb. Kimin paytaxt Hanoya da qatarla gedəcəyi təxmin edilir.

Donald Trampın isə axşam saatlarında Hanoya gəlməsi planlaşdırılıb.

Zirvə görüşündə Şimali Koreyanın nüvə silahlarından təmizlənməsi və Cənubi Koreya ilə rəsmi sülh müqaviləsi imzalaması haqqında fikir mübadiləsi aparılacaq.

Donald Trampla Kim Çen İn ötən ilin iyun ayında Sinqapurda görüşüblər.