“Boeing” şirkəti bəyanat yayaraq “737 MAX” təyyarələrinin uçuşunu müvəqqəti olaraq dayandırdığını açıqlayıb.
BBC yazır ki, qərar ABŞ-ın Federal Aviasiya Administrasiyasının (FAA) peyk məlumatlarından qəzanın səbəbi ilə bağlı yeni sübutlar əldə etməsindən sonra verilib.
Hazırda dünyada cəmi 371 ədəd olan təyyarənin uçuşu martın 14-dən etibarən dünyanın bütün ölkələrində dayandırılıb.
Bunu da oxu: AZAL bir çox aviaşirkətin imtina etdiyi təyyarədən 10 ədəd alacaq
Nə baş verib: Bazar günü Efiopiyanın paytaxtına yaxın ərazidə qəzaya düşən “Boeing 737 Max” təyyarəsindəki 157 sərnişindən heç biri xilas ola bilməyib. Ötən il də oxşar qəza baş verdiyinə görə problemin təyyarədə olduğu ilə bağlı şübhələr artıb. Bundan sonra bir çox ölkə həmin təyyarələrdən imtina edib.
