Terrorla mübarizə polisləri hadisə yerinə gəlib. Foto: EPA

Hollandiyanın Utrext şəhərində, tramvaya edilən silahlı hücum nəticəsində 1 nəfərin öldüyü bildirilir.

BBC yazır ki, polislər ərazidən uzaqlaşan hücumçunun gizləndiyi binanı tapıb. Birazdan polis binada əməliyyat keçirəcək.

Digər tərəfdən şəhərdə məktəblər və məscidlər bağlanılıb. Əhalidən mərkəzi küçələri və meydanları boşaltmaqları tələb olunub.

Nə baş verib: Hollandiyanın Utrext şəhərində silahlı hücum olub. Tramvay xəttində insanlara atəş açan şəxs çoxlu sayda insanı yaralayıb və qaçıb.

Ərazidə helikopterlə uçaraq vəziyyəti nəzarətdə saxlamağa çalışan Hollandiya polisi bunun terror aktı ola biləcəyini açıqlayıb.

Ölkənin baş naziri Mark Ryutte bəyan edib ki, hadisə ilə bağlı səlahiyyətli şəxslərlə iclas keçirib.

  • Bundan öncə 12 martda Yeni Zelandiyada Breton Tarrant adlı şəxs terror törədib. O, 2 məscidə hücum edərək silahla atəş açıb və nəticədə 50 nəfəri ölüb.