Avropa İnsan Haqları Məhkəməsi “Ədalət Axverdiyev Azərbaycana qarşı” işi üzrə qərarını elan edib. Məhkəmə Azərbaycan hökumətini Ədalət Axverdiyevə maddi ziyana görə 140 min, mənəvi zərər və xərclərin hər birinə görə də 3 min avro ödəməsi barədə qərar çıxarıb.
Bu barədə vəkil Fuad Ağayev məlumat yayıb.
Nə baş verib: 2009-cu ildə Bakının Xutor qəsəbəsi kimi tanınan hissəsində evlər kütləvi şəkildə sökülməyə başlayanda ərazidə mənzili olan vətəndaşlardan Ədalət Axverdiyev söküntü ilə razılaşmayıb. O, Nərimanov Rayon Məhkəməsinə müraciət etsə də işə baxılanadək ona məxsus ev sökülüb.