“Müsəlman Birliyi” hərəkatının üzvü Anar Cabbarovun saxlanıldığı yer məlum olub.
Turan yazır ki, onun ailə üzvləri A.Cabbarovun Kürdəxanıdakı 1 saylı Bakı Təcridxanasına göndərildiyini bildirirlər. Hərəkat üzvü narkotik maddələrin qanunsuz dövriyyəsində ittiham olunur.
Nə baş verib: A.Cabbarovu martın 15-də Türkiyədə sənədlərində problem səbəbilə əvvəlcə polis idarəsinə, sonra Deportasiya İdarəsinə, daha sonra isə Azərbaycanın İstanbuldakı Baş Konsulluğuna aparıblar. Martın 22-də o, Azərbaycana təhvil verilib. Bu vaxta kimi onun saxlanma səbəbi və yeri barədə məlumat verilmirdi.