Şimali Koreya lideri Kim Çen In prezident Vladimir Putinlə görüşmək üçün Rusiyaya səfər edib. Sputnik yazır ki, hazırda Vladivostok şəhərində olan lider əksər xarici ölkə səfərləri kimi buraya da qatarla gəlib. O, əvvəlcə Hasan qəsəbəsindəki vağzalda rus adət-ənənələrinə uyğun olaraq duz-çörəklə qarşılanıb. Daha sonra Vladivostokda rəsmi qarşılanma mərasimi baş tutub. Kimin səfərinə görə şəhərdə fövqəladə təhlükəsizlik tədbirləri görülüb.
Rusiyaya ilk dəfə səfər edən Şimali Koreya lideri bu axşam baş nazirin müavini Yuri Trutnevin təşkil etdiyi yeməyə dəvətlidir. Sabah isə Kimlə Putin Vladivostok yaxınlığındakı Russkiy adasında yerləşən Uzaq Şərq Federal Universitetində görüşəcəklər. Görüşdə əsasən iki ölkə arasındakı münasibətlər və nüvə proqramı müzakirə ediləcək.
Kim Çen Inın şənbə gününə qədər Rusiyada qalacağı gözlənilir.
- Liderin atası Kim Çen İr 2011-ci ildə Rusiyaya səfər edib, həmin dövrdə prezident olan Dmitri Medvedev ilə görüşüb.
