Ötən gün Milli Məclisdə Hüquq siyasəti və dövlət quruculuğu komitəsinin iclası keçirilib. ONA yazır ki, komitənin iclasında REAL Partiyasının 3 qanun layihəsi ilə bağlı Milli Məclisə təqdim etdiyi imzalar da müzakirə olunub.
İmzaların yoxlanması ilə bağlı işçi qrup yaradılıb. Mərkəzi Seçki Komissiyasının iclasda olan üzvü Etibar Quliyev deyib ki, sənədlərdə olan 41500 vətəndaşın imzası nəzərdən keçrilib və əldə edilən nəticəyə əsasən, lazım olan 40 min imza toplanmayıb.
Komitə üzvləri Elşən Musayev, Qüdrət Həsənquliyev, Çingiz Qənizadə, Sabir Hacıyev, Tahir Kərimli müzakirədə iştirak edib və sonda qərara alınıb ki, Milli Məclisinə qanunvericilik təşəbbüsü qaydasında təqdim edilən qanun layihələrinin prosedur qaydaları pozulduğuna görə müzakirəyə çıxarılmasın.