Böyük Britaniyanın baş naziri Tereza Mey Brexit böhranına görə istefa etmək qərarına gəlib.
Sputnik yazır ki, baş nazir 7 iyunda Mühafizəkar Partiyasının lideri vəzifəsindən ayrılacağını açıqlayıb.
Baş nazir uzun müddətdir partiyadaşlarının və “Brexit” üzrə Avropa İttifaqı ilə yeni saziş təklifi ilə razılaşmayan Nazirlər Kabinetinin üzvlərinin təzyiqləri ilə üzləşib.
Həyatımın ən böyük qürur mənbəyi olan bu vəzifəni qısa müddət ərzində tərk edəcəyəm. Böyük Britaniya tarixindəki ikinci qadın baş nazirəm, amma sonuncu olmayacağam. Ürəkdən bağlı olduğum bu ölkəyə xidmət etmək fürsəti verən bu vəzifəni məyusluqla yox, minnətdarlıqla tərk edirəm
, deyə T.Mey bildirib.
Partiyaya yeni lider seçilənə qədər T.Mey baş nazir vəzifəsini müvəqqəti icra edəcək.
