İsraildə 2 ay öncə seçki keçirilməsinə baxmayaraq, indiyə kimi hökumət qurulmadığı üçün parlament (Knesset) özünü buraxıb.
Euronews yazır ki, 120 deputatdan 74-ü parlamentin buraxılmasının lehinə səs verib.
Ölkədə sentyabrın 17-də yenidən seçki keçirilməsi barədə qərar verilib. Bu İsrail tarixində ilk təkrar parlament seçkiləri olacaq.
Nə baş verib: Seçkilərin nəticələrinə görə, Netanyahunun liderlik etdiyi Likud partiyası parlamentdə 35 yer tuta bilib. Ancaq bu rəqəm hökumət qurmaq üçün kifayət deyildi. O, 42 gün ərzində yeni koalisiya yaratmalı idi.