Donald Tramp. Foro: Alex Brandon / AP

Amerika Birləşmiş Ştatlar (ABŞ) hakimiyyəti latın amerikalı qanunsuz immiqrantların Meksika vasitəsilə ölkəyə daxil olmasına mane olmaq üçün qəti addımlar atır.

Anadolu Agentliyi yazır ki, bu məqsədlə Meksikaya 5 faiz gömrük vergisi tətbiq ediləcək.

Prezident Donald Tramp bu barədəki qərarını “Twitter”də bəyan edib:

10 iyundan etibarən, ABŞ Meksikadan gələn bütün məhsullara 5 faiz gömrük vergisi tətbiq etməyə başlayacaq. Bu vergi Meksika vasitsəsilə qanunsuz immiqrantların ölkəmizə axını dayanana qədər qüvvədə qalacaq. Bu gömrük vergisi qanunsuz immiqrant problemi həll olunana qədər mərhələli şəkildə artırılacaq və ancaq problem həll olunduqdan sonra aradan qaldırılacaq

Gömrük vergisinin hər ay 5 faiz artırılaraq, oktyabra kimi 25 faizə çatdırılacağı bildirilir.

Nə baş verib: Uzun müddətdir qanunsuz immiqrantlar mövzusunda narahatlığını dilə gətirən Tramp ABŞ-Meksika sərhəddinə divar hördürmək istəyir. Ötən gün Texasın El Paso ərazisində 1000-ə yaxın qanunsuz immiqrant saxlanılıb. Tramp hakimiyyəti bundan sonra Meksikaya qarşı təzyiqləri daha da artırmaq qərarına gəlib.

Şərhini yaz

Şərhinizi yazın
Adınızı daxil edin