“WikiLeaks” saytının yaradıcısı, hazırda həbsdə olan Culian Assancın yaxın dostu və kompüter proqramçısı Ola Bini bu gün azadlığa çıxıb.
Sputnik yazır ki, Ekvador məhkəməsinin qərarına əsasən 2 aydır həbsdə olan O.Bini azadlığa buraxılsa da, onun barəsində araşdırma davam edəcək. Bu müddət ərzində O.Bini Ekvadoru tərk edə bilməz.
O.Bini jurnalistlərə açıqlamasında onu azadlığa buraxan hakimlərə və Ekvador xalqına təşəkkür edib:
Bu gün ilk dəfə günahkar olmadığımız sübuta yetirildi və bunu sübuta yetirməyə davam edəcəyik
Nə baş verib: 2013-cü ildən bəri Ekvadorda yaşayan O. Bini bu ilin aprelində Assancın həbsindən sonra Yaponiyaya qaçmaq istəyəndə hava limanında saxlanılıb. O, kimliyi müəyyənləşdirilə bilməyən iki rus xakerlə birgə Ekvador nazirliklərinin rəsmi saytlarına haker hücumları həyata keçirməkdə ittiham edilib. Həmçinin, onun ölkə lideri Lenin Morenoya məxsus bəzi dosyeləri də ələ keçirməyə çalışdığı iddia olunub. Ekvador iddia edib ki, O.Bini saxlanılanda onun üzərində 30 ədəd elektron fayl qurğusu tapılıb və bu dəlillərin araşdırılması üçün proqramçı ən az 90 gün həbsdə qalmalıdır.
