Tramp BMT-nin 74-cü sessiyasında çıxış üçün hazırlaşır. Foto: Mary Altaffer / AP

ABŞ prezidenti Donald Tramp haqqında impiçment prosesi başlanıb. Buna səbəb prezidentin ukraynalı həmkarı Vladimir Zelenski ilə telefon danışığı olub. Həmin söhbət zamanı Tramp Zelenskidən keçmiş vitse-prezident Co Baydenin oğlu Hanter Baydenin araşdırılmasını tələb edib.

Nümayəndələr Palatasının sözcüsü Nensi Pelosi bu danışığın qanuna zidd olduğunu və prezidentin vəzifədən uzaqlaşdırılması üçün əsas olduğunu deyib.

Donald Tramp nə deyir: ABŞ prezidenti qanuna zidd telefon danışığı etmədiyini deyir. Qərarın açıqlanmasından sonra atdığı tvitlərdə Tramp bunu öna qarşı edilən “cadugər ovu” kimi qiymətləndirib.

O, həmçinin sözügedən telefon söhbətinin transkriptini yayımlanması barədə göstəriş verib.

Bayden və onun oğlundan fərqli olaraq burada hər hansı bir təzyiq və ya qarşılıq gözləmək kimi bir hal yoxdur. Baş verənlər bütün dövrlərin ən böyük cadugər ovunun davamıdır.

İmpiçment nədir: Bu prosedur ABŞ prezidentinin “dövlətə xəyanət, rüşvət və ya digər ağır cinayət və qanun pozuntularında” ittiham edərək mühakimə edilməsini və vəzifədən uzaqlaşdırılmasını nəzərdə tutur.