Bu gün Şimali Koreyanın şərq sahilindən ballistik raket buraxıldığı barədə məlumat yayılıb. Reuters yazır ki, sualtı qayıqdan atılan raketin buraxılmasından bir gün əvvəl Şimali Koreya ABŞ-la nüvə danışıqlarının yenidən başladığını açıqlamışdı.
Amerikalı ekspertlər hesab edir ki, Şimali Koreyanın bu addımının səbəbi özünün silah gücünü göstərməkdir. Şimali Koreya ABŞ-ın ballistik raket istifadəsini qadağan edən qətnamələrini rədd edir və bunun özünün milli təhlükəsizlik hüququnun pozulması ilə əsaslandırır.
Cənubi Koreya silahlı qüvvələrinin məlumatına görə, raket 450 km qət edib, 910 km yüksəkliyə qalxıb. Bu da onun ballistik raket olma ehtimalını artırır.
Yaponiyanın baş naziri Şinzo Abe isə bunun BMT Təhlükəsizlik Şurasının qətnamələrini pozduğunu deyib və bu addımı qınayıb.
Şimali Koreya iyun ayından bəri 9 raket buraxıb.
