Polis piket iştirakçısını həbs edir. Foto: Firi Səlim

Milli Şura və AXCP-nin bu gün Bakı Şəhər İcra Hakimiyyəti (BŞİH) qarşısında keçirdiyi piketlə bağlı Bakı Şəhər Baş Polis İdarəsi (BŞBPİ) məlumat yayıb. Report yazır ki, BŞBPİ piketdə əvvəldən nəzərdə tutulan qaydaların pozulduğunu deyib.

BŞBPİ-nin qeyd etdiyi pozuntular:

Oktyabrın 8-i tədbir yerinə razılaşdırılmış vaxtdan qabaq toplaşıb.

Piketə dəstək adı altında qanunsuz aksiyalarına qoşulmaq barədə vətəndaşlara çağırışlar edib.

Toplantıya 50 nəfərdən çox tərəfdarını cəlb etməklə müəyyən olunmuş ərazidən kənara çıxmağa, qanunsuz küçə yürüşü keçirməyə cəhd göstərilib.

Ərazidə nəqliyyatın hərəkəti iflic olub, piyadaların sərbəst gediş-gəlişinə maneçilik yaranıb, ətrafdakı insanlara qarşı kobudluğa və digər qanunazidd hərəkətlərə yol verilib.

Polis hansı addımlar atıb:

Vaxtından qabaq əraziyə gələn 17 nəfərə xəbərdarlıq edilib.

4 nəfər barəsində inzibati protokol tərtib olunub.

Polisin qanuni tələblərinə tabe olmayaraq küçə yürüşü keçirməyə cəhd edən 5 nəfər haqqında toplanmış inzibati materiallar məhkəməyə göndəriləcək.

Sərxoş halda olan və üzərində soyuq silah aşkarlanıb götürülmüş daha bir piket iştirakçısının əməlinə hüquqi qiymət veriləcək.