Böyük Birtaniyanın Baş naziri Boris Consonun koronavirus testi pozitiv çıxıb. Bu barədə Baş nazir özü “Twitter”də məlumat yayıb. O bildirib ki, son 24 saat ərzində virusa yoluxmanən yüngül simptomlarını hiss edib və yoxlamadan keçib. Nəticədə onun virusa yoluxduğu aşkarlanıb.
B.Conson hazırda özünü izolyasiya edib, amma o, hökumətə rəhbərlik etməyə və video-konfransla müzakirələrə qatılmağa davam edəcək.
Nə baş verib: 2019-cu il dekabrın sonunda Çində başlayan COVID-19 virusu bütün dünyaya yayılıb və Ümumdünya Səhiyyə Təşkilatı onu pandemiya elan edib. Xəstəlik hazırda ən çox Çin, İtaliya, İspaniya və ABŞ-da yayılıb.
Boris Consondan əvvəl də bir neçə dövlət hökumət başçısı virusa yoluxma şübhəsilə yoxlanıb. ABŞ prezidenti Donald Tramp və Almaniya kansleri Angela Merkelin test nəticələri neqativ çıxıb. Onlar virusa yoluxmayıb.
