Penitensiar Xidmət yüzlərlə dustağın kəskin qızdırma, baş ağrısı və ürəkbulanma ilə müşayiət olunan xəstəlikdən əziyyət çəkməsi ilə bağlı yayılan xəbərlərin yalan olduğunu bildirib.
Bunlar tamamilə yalan məlumatlardır. Penitensiar müəssisələrdə əvvəllər də bildirdiyimiz kimi, kompleks profilaktik-maarifləndirici tədbirlər həyata keçiririk. Bir sözlə, biz müəsissələrdə bütün tədbirləri davam etdiririk.
Mehman Sadıqov (Penitensiar Xidmətin İctimaiyyətlə əlaqələr şöbəsinin rəisi)
Nə baş verib: 25 martda 6 saylı Cəzaçəkmə Müəssisəsində olan AXCP fəalı Babək Həsənovun ailəsi onun qızdırma, öskürək, halsızlıqdan əziyyət çəkdiyi açıqlayıb. O həm də ailəsinə bildirib ki, CÇM-dəki dustaqların əksərində bu əlamətlər müşahidə olunur və getdikcə artır.
