Polşa əsilli kinorejissor Roman Polanskinin Amerika Film Sənəti Akademiyasının tərkibinə bərpa edilməsi barədə təklifi rədd edilib.
“Veriety” yazır ki, bu barədə məhkəmə avqustun 25-də qərar çıxarıb. Yetkinlik yaşına çatmayan şəxsə təcavüz etdiyinə görə üzvlükdən çıxarılan kinorejissor üzvlüyə bərpa edilməsi üçün 2019-cu ildə məhkəməyə müraciət etmişdi.
Nə baş verib: R. Polanski 1977-ci ildə 13 yaşlı Samanta Qeymerə təcavüzdə ittiham edilib. Bundan sonra Amerika Film Sənəti Akademiyası 2018-ci ildə onu üzvlükdən çıxarıb.
Polanskinin ən məşhur filmi “Pianoçu” sayılır. Rejissor bu filmə görə “Oskar” mükafatına layiq görülsə də, təcavüz hadisəsinə görə mükafatı almağa getməyib və bundan sonra ABŞ-ı tərk edib.
