“Dağlıq Qarabağ uğrunda döyüşən bütün silahlı qüvvələr hər zaman beynəlxalq humanitar hüquqa görə döyüşənləri və mülki vətəndaşları ayırd etməlidir”.
“Human Rights Watch” insan haqları təşkilatının sentyabrın 30-da yaydığı bəyanatda belə deyilir. Bildirilir ki, hər iki tərəf mülki şəxslərin hədəfə alınmasına qoyulan qadağaya hörmət etməlidir.
Təşkilatın bəyanatında xəbərlarlıq edilir ki, mülki şəxslərə hücum etmək beynəlxalq humanitar hüququn ciddi şəkildə pozulmasıdır və hərbi cinayət sayılır.
Hərbi və mülki itkilər barədə çox sayda xəbər var, lakin bu xəbərlər müstəqil olaraq təsdiqini tapmır. Azərbaycan 10 mülki şəxsin öldüyünü, 30 mülki şəxsin yaralandığını bildirsə də, hərbi itki barədə məlumat yaymır. Dağlıq Qarabağ de-fakto müdafiə səlahiyyətliləri isə ən azı 80 hərbi qulluqçunun və 5 mülki şəxsin öldüyünü, 30-a yaxın mülkinin yaralandığını bildirirlər”.
Nə baş verib: Sentyabrın 27-də səhər saatlarından etibarən Azərbaycan Ermənistan cəbhə xəttində atəşkəs pozulub və döyüşlər başlayıb.
