İsveçrədə könüllü evtanaziya üçün nəzərdə tutulan kapsuldan istifadə qanuniləşib.
“Sarco” adlanan cihaz 3D printerdə yaradılıb, görünüşcə tabuta bənzəyir. Cihaz kifayət qədər mobil olduğuna görə istənilən yerə çatdırıla bilər.
“Sarco” necə işləyir: Könüllü olaraq intihar etmək istəyən şəxs kapsulun içində uzanır və evtanaziya proseduruna özü başlayır.
Cihazın içərisi azotla doldurulur, oksigen konsentrasiyası 21%-dən 1%-ə qədər düşür. Bu zaman içəridə olan şəxs çaşqınlıq, yüngül eyforiya hiss edir və huşunu itirir. Proses təxminən 30 saniyə çəkir. Nəticədə insan boğulma hissi etmədən hipoksiya və hipokapniya səbəbindən ölür.
