7 dekabrda ABŞ prezidenti Co Baydenlə Rusiya prezidenti Vladimir Putin arasında video görüş olub. Görüş 2 saat davam edib. Rəsmi Kreml Vladimir Putinlə Co Baydenin söhbətini işgüzar və səmimi adlandırıb.
Görüşdə nələrdən danışılıb:
- İki ölkə arasındakı münasibətlər;
- Strateji sabitlik;
- Ukrayna münaqişəsi;
- NATO-nun Rusiya sərhədlərinə doğru irəliləməsi məsələləri;
- Kibertəhlükəsizlik mövzuları.
Ukrayna münaqişəsi haqqında danışan Co Bayden Rusiyaya xəbərdarlıq edib:
Əgər Rusiya Ukraynaya silahlı mudaxilə edərsə, Qərb ciddi iqtisadi və digər tədbirlər görəcək.
Co Bayden
Vladimir Putin isə NATO-nun şərqə doğru genişlənməyəcəyinə dair təminat tələb edib.
Ağ Ev və Kremlin yaydığı bəyanatlarda qeyd edilib ki, Bayden və Putin komandalarına Ukrayna ilə sərhəddə vəziyyətin diskalasiyası ilə bağlı “tədbirlərin görülməsi” barədə göstəriş veriblər.
Prezidentlər Rusiya-ABŞ münasibətlərindən danışan zaman iki ölkə arasında əməkdaşlağın “qeyri-qənaətbəxş vəziyyətdə” olduğunu bildiriblər. V. Putin amerikalı həmkarına diplomatik missiyaların işinə qoyulan bütün məhdudiyyətləri ləğv etməyi, o cümlədən diplomatik əmlakın Rusiya tərəfinə qaytarılmasını təklif edib.
Prezidentlər həmçinin kibercinayətkarlıqla, xüsusən də əməliyyat-texniki sahədə qarşılıqlı fəaliyyəti genişləndirmək barədə razılığa gəliblər.
