Yeni Zelandiya hökuməti ölkədə siqaret və digər tütün məhsullarının satışına tam qadağa tətbiq etmək niyyətində olduğunu açıqlayıb.
Hökumətin təqdim etdiyi plan gələcək nəsillərə siqaret satışının qadağan edilməsini nəzərdə tutur. Həmçinin sənəddə siqaretlərdə nikotinin dozasının azaldılması və bir çox tütün mağazalarının bağlanması barədə yazılıb.
Səhiyyə naziri Ayeşa Verralın sözlərinə görə, 2027-ci ildən tam qadağa tətbiq olunana qədər qadağanın yaşı hər il bir il artacaq.
Beləliklə, 2009-cu il təvəllüdlü və daha kiçik yaşlı uşaqlar heç vaxt qanuni olaraq siqaret ala biləcək yaşa çatmayacaqlar.
