Ermənistanda itkin və əsir düşmüş hərbçilərin valideynləri, yaxınları parlament qarşısına toplaşıblar. Ailələrin etirazına səbəb parlamentin spikeri Alen Simonyanın itkin düşmüş əsgərlər haqda fərari, silahları atıb qaçdıqdan sonra əsir düşdüklərini deməsi və “mənim üçün onlar artıq yoxdur”- sözləri olub.
Valideynlər A.Simonyandan onlarla görüşməyi və dediklərinə aydınlaşdırmağı tələb ediblər.
Mitinq zamanı valideynlərdən biri bildirib ki, əgər onların övladları “vətən xaini” kimi görünürsə, oğullarının “ən sərt qanunlarla mühakimə olunmasına” razıdırlar:
Oğlumun Ermənistana xəyanət etdiyini və ya bir türkə dövlət sirri açdığını bilsəm, belə uşağı qəbul etmərəm. Amma oğullarımız vətən uğrunda döyüşə getdilər, elə deyil?
Əsgər valideyni
Valideynlərin qarşısına “Ermənistan Alyansı” blokunun deputatları çıxıb. Deputat Aspram Krpetyan valideynlərə bildirib:
“Ermənistan Alyansı” olaraq hakim partiyadan “Simonyanın dedikləri onların siyasi fraksiyasının, yoxsa Simonyanın şəxsi fikridir?” sualını veriblər…
Hələlik cavabımız yoxdur.
Aspram Krpetyan
Aksiyadan sonra nə baş verdi: Ermənistan Milli Məclisində parlament sədri Alen Simonyanla itkin düşən və əsir götürülən hərbçilərin yaxınları ilə görüşü keçirilib. Simonyan görüşə 10 nəfəri qəbul edib.
Etirazçıların tələbi ilkin tələbi nə olub: Alen Simonyanın 20 nəfəri qəbul etməsi, ya da aşağı enib onlarla görüşmək.
