Avropa İnsan Haqları Məhkəməsi Azərbaycandan göndərilmiş 7 şikayət barədə qərar çıxarıb. Qərara əsasən hökumət 6 vətəndaşa ümumilikdə 21 min 200 avro təzminat ödəməlidir.
Şikayətlər hansı əsasla olub:
Tariyel Şirinli və Heybət Əmrah icazəsiz elan edilmiş kütləvi aksiyada iştirak etməkdə ittiham edilərək saxlanılıb və hüquqi yardımla təmin edilməyiblər. Onların azadlıq və toxunulmazlıq, ədalətli məhkəmə araşdırması hüquqlarına müdaxilə edilib.
Hökumət şikayətçilərin azadlıq və toxunulmazlıq, ədalətli məhkəmə araşdırması hüquqlarına müdaxilənin baş vediyini etiraf edib və təzminat ödəməyə razı olduğunu bəyan edib. Qərara əsasən, hökumət Tariyel Şirinliyə 3 500, Heybət Əmraha isə 6 500 avro təzminat ödəməlidir.
Fevral Mirzəbəyov, Telman Abbasov, Mehman Məmmədov, Mehman Malikov mülkiyyət hüquqlarına müdaxilə edildiyini, mülkiyyət və ədalətli məhkəmə araşdırması hüququnun pozuntusunun baş verdiyini iddia ediblər.
Fevral Mirzəbəyova 3 850, Telman Abbasova 3 850, Mehman Məmmədova 1 750, Mehman Malikova 1 750 avro təzminat ödənilməlidir.
