Malta parlamenti marixuananın şəxsi istifadəsinə və az miqdarda yetişdirilməsinə icazə verən qanun layihəsini təsdiqləyib. Səsvermə zamanı 36 deputat qanunun lehinə, 27-si əleyhinə səs verib. Bununla da Malta marixuana istifadəsini leqallaşdıran ilk Avropa İttifaqı ölkəsi olub.
Bir neçə gün ərzində sənəd Malta prezidenti Corc Vell tərəfindən təsdiqlənməlidir.
Qanun layihəsinə əsasən, istehlakçı 7 qrama qədər marixuana almaq, saxlamaq, eyni zamanda 4 kol yetişdirmək hüququna malikdir. Üzərində 7 qramdan artıq, lakin 28 qramdan çox olmayan marixuana olan şəxsləri 100 avroya qədər cərimə gözləyir. Cərimə ictimai yerlərdə marixuanadan istifadə edənlərə də tətbiq ediləcək.
