Ermənistanda Milli Təhlükəsizlik Partiyasının sədri Qarnik İsaqulyan saxlanılıb. Bu barədə Ermənistan İstintaq Komitəsi məlumat yayıb.
İsaqulyanın vəkili bildirib ki, siyasətçi baş nazir Nikol Paşinyanın keçmiş mətbuat katibi Vladimir Karapetyanı təhqir etdiyinə görə saxlanılıb.
Digər mənbələr isə Qarnik İsaqulyanın 2021-ci il sentyarbın 20-də keçirdiyi mətbuat konfransında yalan məlumat verdiyinə görə həbs edildiyini bildiriblər.
Siyasətçinin iddiaları nələr olub:
- Ermənistanın Ukraynadakı səfiri Vladimir Karapetyan 2008-ci ildən Azərbaycan və Türkiyə xüsusi xidmət orqanları ilə əməkdaşlıq edib.
- V. Karapetyan Azərbaycanın Ukraynadakı səfiri Elmira Axundova ilə danışıqları olub, bundan sonra Ermənistanın baş naziri Nikol Paşinyanla Türkiyə prezidenti Rəcəb Tayyib Ərdoğanın nümayəndələri arasında Batumidə görüş barədə razılıq əldə olunub. Ermənistanın pensiyaları vermək üçün pulu olmayıb və Türkiyədən maddi dəstək istəyəcəkmiş. Görüşdən sonra Türkiyə prezidenti ona pul köçürməli imiş.
