Ləğv edilmiş Kütləvi İnformasiya Vasitələrinin İnkişafına Dövlət Dəstəyi Fondunun (KİVDF) sabiq icraçı direktoru Vüqar Səfərliyə hökm oxunub.
Bakı Ağır Cinayətlər Məhkəməsində hakim Azər Paşayevin sədrliyi ilə keçirilən prosesdə Vüqar Səfərli 10 il 6 ay müddətinə azadlıqdan məhrum olunub.
O, cəzasını ciddi rejimli cəzaçəkmə müəssisəsində çəkəcək. Bundan başqa, V. Səfərli 3 il dövlət orqanlarında vəzifə tuta bilməz.
Nədə ittiham edilir: Vüqar Səfərli və KİVDF-nin 10 nəfər əməkdaşı ümumilikdə 18 milyon 500 min manat məbləğində pul vəsaitinin mənimsənilməsində və cinayət yolu ilə əldə edilən 5 milyon 700 min manat pul vəsaitinin leqallaşdırmasına təqsirli bilinirlər.
