İran birtərəfli qərar qəbul edərək dekabrın 24-dən Türkiyə ilə sərhədi 15 günlüyünə bağlayıb. Türkiyənin “Cümhuriyyət” qəzetinin yazdığına görə, İranın sərhəd-keçid məntəqələrini birtərəfli qaydada bağlaması Türkiyədə çaşqınlıq yaradıb.
Əsəndərə şəhərinin bələdiyyə sədri Dirbaz Böyüksu bildirib ki, çox güman İran öz vətəndaşlarının Yeni ili Türkiyədə keçirməsinə qadağa qoymaq üçün belə addım atıb:
Əldə etdiyimiz məlumata görə, İran dekabrın 24-ü saat 00:00-dan etibarən bizimlə bütün sərhəd qapılarını 15 gün müddətinə müvəqqəti bağlayacağını bildirilib. Şəxsən mən İran dövlətinin qəbul etdiyi bu birtərəfli qərarı 8 gün sonra olacaq Yeni il bayramı ilə əlaqələndirirəm. İran dövləti bu qərarla öz vətəndaşlarının xaricə getməsinin və yeni il şənliklərində iştirakının qarşısını almaq istəyir. Ümid edirəm ki, bu qərar çox çəkməyəcək və ən qısa zamanda qapılarımız açılacaq.
Dirbaz Böyüksu
Sərhədi keçməyə yalnız bu şəxslərə icazə veriləcək:
- İranda yaşayış icazəsi olan şəxslər;
- İranda təhsil vizası olan şəxslər;
- giriş vizası almış şəxslər (tacirlər və iş adamları),
- işləmək icazəsi olan şəxslər;
- tibbi vizası olan şəxslər;
- fiziki şəxslər,
- investisiya vizası almış şəxslər,
- miqrasiya xidmətinin möhürü olan şəxslər.
