Milli Məclisin qarşısında müstəqil jurnalistlərin keçirdiyi aksiya zamanı polis jurnalist Nərgiz Absalamovaya xəsarət yetirib. Bu haqda jurnalist feysbuk hesabında məlumat yayıb:
Bu gün mən də Milli Məclisin qarşısında olan “Media haqqında” qanun layihəsinə etiraz aksiyasında idim. Aksiya zamanı ÇPA qızlarından biri boğazımdan yapışdı.Həmkarlarım məni müdafiə etmək üçün önümə keçdilər. Lakin həmin polis hamımızı birlikdə itələdi və yıxıldıq. Yıxılandan sonra normal ayağa qalxdım və çox ağrı hiss etmirdim. Bir az keçdikdən sonra isə hiss etdim ki, ayağımı yerə basa bilmirəm.
Travmayologiyaya gedib rentgendən keçdim. Və məlum oldu ki, büzdüm sümüyüm sınıb. Həkim dedi ki, ən az 3 həftə əyilib-qalxmamalı, ağır götürməməli, oturmamalıyam.
Nərgiz Absalamova
Qeyd: Bu gün müstəqil fəaliyyət göstərən bir qrup jurnalist Milli Məclisin qarşısında toplaşaraq yeni qəbul edilmiş “Media haqqında” qanun layihəsinə etiraz ediblər.
