Türkiyənin “Pegasus” aviaşirkəti İstanbul-Yerəvan-İstanbul reyslərinin yerinə yetirilməsi üçün icazə almaq üçün Ermənistanın Mülki Aviasiya Komitəsinə müraciət edib. Bu barədə Ermənistan Ərazi İnkişafı və İnfrastruktur Nazirliyinin mətbuat katibi Sona Arutyunyan bildirib:
“Pegasus” fevral ayından başlayaraq həftədə iki dəfə uçuş üçün müraciət edib. Mülki Aviasiya Komitəsi müraciətə baxmağa başlayıb və qısa müddət ərzində qərar verəcək.
Sona Arutyunyan
Qeyd edək ki, ötən il Ermənistanın “Flyone Armenia” aviaşirkəti Yerevan-İstanbul-Yerəvan çarter reyslərini yerinə yetirmək üçün Mülki Aviasiya Komitəsinə müraciət göndərib.
