UNESCO 2021-ci ildə dünyada 55 jurnalist və media işçisi öldürüldüyünü açıqlayıb. Məlumatda qeyd edilir ki, ölümlərin üçdə ikisi silahlı münaqişələrin yaşanmadığı ölkələrdə baş verib. UNESCO-nun baş direktoru Odre Azule bildirib ki, bu statistika jurnalistlərin qanunsuzluqları ifşa etmək üçün üzləşdikləri risklərin davam etdiyini göstərir:
Həqiqətləri üzə çıxarmaq 2021-ci ildə həddən artıq çox jurnalistə baha başa gəldi. Hazırda dünyanın müstəqil, obyektiv məlumatlara hər zamankindən daha çox ehtiyacı var. Bunu təmin etmək üçün yorulmadan çalışanların qorxmadan fəaliyyət göstərməsi üçün biz daha çox iş görməliyik.
Odre Azule
2021-ci ildə ən çox ölümün olduğu bölgələr:
Asiya-Sakit okean regionu – 23;
Latın Amerikası, Karib hövzəsi – 14
UNESCO-nun məlumatında o da qeyd edilib ki, 2006-cı ildən bəri bütün jurnalist qətllərinin 87%-i hələ də həll olunmayıb.
