Belarusa qaçan polşalı hərbçi Emil Çeçko iyundan bəri Polşa-Belarus sərhədində 240-dan çox qaçqının öldürüldüyünü bildirib. Bu barədə Belarus İstintaq Komitəsi məlumat yayıb:
Cinayət işinin istintaqı zamanı Emil Çeçko həmkarları ilə birlikdə 2021-ci il iyunun 8-dən sərhəd zonasında və Polşanın Semyanovka kəndi yaxınlığında mütəşəkkil qətllərdə iştirak etdiyini bildirib. O, 240-dan çox adamın qətlindən məlumatlıdır.
Belarus İstintaq Komitəsi
İstintaqın məlumatına görə, Çeçko öldürülənlər arasında Polşa sərhədini keçərək Almaniyaya gedən qaçqınlar, o cümlədən qadınlar və uşaqlar, həmçinin əcnəbilərə yardım edən iki könüllü olduğunu bildirib:
Ölənlərin cəsədləri meşəliklərdə xüsusi hazırlanmış çuxurlarda kütləvi şəkildə basdırılıb.
Emil Çeçko
İstintaq nümayəndələri onu da qeyd ediblər ki, Belarus İstintaq Komitəsi Qərbi Avropaya, xüsusən də Almaniyaya gedən vətəndaşların itkin düşməsi faktlarının müəyyən edilməsi və məlumatların toplanması təşəbbüsü ilə çıxış edir.
