Kanadanın Kvebek əyalətində koronavirusa qarşı peyvənd olunmamış sakinlər vergi ödəyəcəklər. Bu haqda Kvebekin baş naziri Fransua Leqo feysbuk hesabında yazıb. Onun sözlərinə görə, peyvəndin ilk dozasını etdirməyən vətəndaşlar “haqq” ödəməlidirlər:
Verginin məbləği hələ müəyyən edilməyib, lakin rəqəm az olmayacaq. Kvekebdə təxminən 10% əhali veyvənd olunmayıb. Onlar maddi yükə çevriliblər. Belə bir qərarın verilməsi fədakarlıq edən 90%-ə qarşı ədalət məsələsidir. Biz belə addım atmalıyıq.
Fransua Leqo
Baş nazir qərarın nə zaman qüvvəyə minəcəyini açıqlamayıb.
Qeyd: Hazırda Kanadada COVID-19-dan ən çox ölüm halı çox olan bölgə Kvekebdir. Monrealda yerli xəstəxanalar 100%-ə qədər doludur, bu səbəbdən xəstəxanaya yerləşdirmə ilə bağlı məhdudiyyətlər tətbiq edilib.
