Vətəndaş və İnkişaf Partiyasının (VİP) sədri Əli Əliyev xüsusi ittiham qaydasında həbs edilib. Bu barədə Yasamal Rayon Məhkəməsinin hakimi Hüseyn Səfərovun sədrliyi ilə keçirilən prosesdə qərar çıxarılıb.
Qərara əsasən, Əli Əliyevə 5 ay həbs cəzası verilib.
Partiya sədri nədə ittiham edilir:
Dövlət Sərhəd Xidmətinin (DSX) Mi-17 tipli helikopterinin Xızı ərazisində qəzaya uğramasından sonra sağ qalan hərbçilərə böhtan atmaqda ittiham edilir. Partiya sədrini yaralanan polkovnik-leytenant Emil Cəfərov və kapitan Ramin Ədilov xüsusi ittiham qaydasında məhkəməyə veriblər. Onların şikayətinin motivi partiya sədrinin 2021-ci il dekabrın 9-da “Osmanqızı TV” yutub kanalında çıxışı zamanı helikopter qəzasından sağ çıxmağın mümkünsüzlüyü barəsində ehtimal üzərində səsləndirdiyi fikirlərdir.
