Rusiya Ukrayna ilə sərhəd bölgələrdə hərbi təlimlərə başlayıb. Rusiya KİV-lərinin məlumatına görə, təlimlərə 3 000-ə yaxın hərbi və ağır texnikanın cəlb edildiyi hərbi hazırlıqlar Voronej, Belqorod, Bryansk və Smolensk vilayətlərində keçirilir.
Təlimlərdə 300 ədəd hərbi texnika, o cümlədən T-72B3 tankları, BMP-2 piyada döyüş maşınları və standart atıcı silahlardan istifadə olunur.
Məlumata görə, Rusiyanın Qara dəniz və Xəzərdəki donanmaları da hərbi hazırlıqlara qatılacaq. Bildirilir ki, təlimlər ABŞ və Şimali Atlantika Alyansı ilə “təhlükəsizlik zəmanəti” ilə bağlı danışıqlara paralel olaraq keçirilir.
