Qazaxıstanda iğtişaşların əsas mərkəzi olan Almatı şəhərində 7 nəfər itkin düşüb. Bu haqda şəhərin hüquq-mühafizə orqanları məlumat yayıb. Bildirilib ki, yanvarın 4-dən 22 nəfər rəsmi olaraq itkin hesab olunub, onların əksəriyyəti artıq tapılıb:
Yaxınlarının polisə verdiyi məlumata əsasən yanvarın 4-dən 22 nəfər rəsmən itkin düşmüş siyahısına salınıb. Onlardan 15 nəfər tapılıb. Qalan 7 nəfər axtarılır.
Almatı hüquq-mühafizə orqanları
Polis itkin düşənlərin yaxınlarına tövsiyə edib ki, yaşayış yeri üzrə rayon polis şöbələrinə və ya itkin düşənlərin sonuncu dəfə göründüyü rayon polis şöbələrinə müraciət etsinlər.
