Polşa və Baltikyanı ölkələr Belarus sərhədləri yaxınlığında 30 mindən çox əsgər toplayıb. Bunu Belarus prezidenti Aleksandr Lukaşenko Belarus-Rusiya ordusunun birgə əməliyyat təliminin hazırlanması və konsepsiyası ilə bağlı güc bloku ilə görüşündə açıqlayıb. Onun sözlərinə görə, əsgərlərlə yanaşı hərbi texnika və silahlar da toplanıb:
Varşava Şimali Atlantika blokunun rəhbərliyinə regionda çoxeşelonlu logistika və texniki dəstək sisteminin yerləşdirilməsi xahişi ilə müraciət edib.
Aleksandr Lukaşenko
Lukaşenko onu da əlavə edib ki, Polşa və Baltikyanı ölkələrin ərazisində 8-10 min ABŞ hərbi qulluqçusu da var:
Amerikalıların burada nə işi var? Bizi, Rusiyanı niyə qınasınlar ki, təlimlər və sair həyata keçiririk.
Aleksandr Lukaşenko
Prezident onu da vurğulayıb ki, Qərbdə bəziləri “artıq açıq şəkildə müharibəyə çağırırlar”.
