Kanada Ukraynaya hərbi xüsusi əməliyyat qüvvələrinin kiçik kontingentini göndərib. Məlumatı “Global News” adı açıqlanmayan mənbələrinə istinadən yayıb.
Belə bir addım NATO müttəfiqlərinin “Rusiyanın təcavüzünün qarşısını almaq və Ukrayna hökumətinə dəstək yollarını müəyyən etmək” üçün “səylərinin bir hissəsidir”.
Mənbə qeyd edir ki, xüsusi təyinatlıların digər bir vəzifəsi Ukraynada vəziyyət gərginləşdiyi halda kanadalı diplomatları təxliyə etməkdir.
Qeyd: CBC daha əvvəl bildirmişdi ki, Kanada yerli təhlükəsizlik məmurlarına təlim keçmək üçün Ukraynaya 200 əsgər göndərib.
