Ermənistan prezidenti Armen Sarkisyan istefa verib. Bu barədə özü prezidentin rəsmi saytında məlumat yayıb. Onun sözlərinə görə, istefa qərarı emosional deyil, müəyyən məntiqdən irəli gəlir:
Uzun müddət düşündüm və 4 illik fəal işdən sonra respublikanın prezidenti vəzifəsindən getməyə qərar verdim. Özüm və ailəm, keçmişim “müxtəlif konspirasiya nəzəriyyələri və miflər” ilə maraqlanan müxtəlif siyasi qrupların hədəfinə çevrilib.
Ölkə prezidentinin istər daxili, istərsə də xarici siyasətdə dövlət və millət üçün ən vacib məsələlərə təsir etmək üçün lazımi vasitələri yoxdur. Ölkəmiz üçün belə çətin, milli birliyə ehtiyac duyulan bir dövrdə prezidentlik institutu dedi-qodu və qəsd nəzəriyyələrinin hədəfinə çevrilməməli, bununla da ictimaiyyətin diqqətini ən mühüm məsələlərdən yayındırmamalıdır.
Ermənistan indi formaca parlamentar respublikadır, məzmunca isə yox.
Armen Sarkisyan
Sarkisyan onu da qeyd edib ki, real vəziyyət budur ki, bu gün Ermənistanda prezident “müharibə və ya sülh məsələlərinə təsir edə bilməz”, “dövlət və xalq üçün uyğun olmayan qanunlara veto qoya bilməz”.
