Ermənistanın istefa vermiş prezidenti Armen Sarkisyanın Karib hövzəsindəki kiçik Sent-Kits və Nevis Federasiyasının vətəndaşı olduğu məlum olub.
Məlumatı yayan Ermənistan mətbuatında qeyd edilib ki, Sarkisyan öz bəyanatında istefanın bir neçə səbəbini qeyd etsə də, postdan getməsinin əsl səbəblərlə əlaqəsi çox azdır. Onun vəzifədən getməsinin əsl səbəbi ən azı prezident seçilənə qədər başqa ölkənin vətəndaşlığının olması imiş.
Bildirilir ki, Korrupsiyaya Qarşı Mütəşəkkil Cinayətkarlığın Hesabatı (OCCRP) prezident Armen Sarkisyana başqa ölkənin vətəndaşı olması haqda sorğu yollayayıb, eks-prezident isə sübut istəyib.
A.Sarkisyan vətəndaşlıq məsələsini necə şərh edib:
– Uzun illər əvvəl Sent-Kits və Nevis Federasiyasına (mehmanxana biznesi) sərmayə qoyduğunu, bundan sonra səhm payını ailəsinin bir üzvünə keçirdiyini iddia edib.
– Sent Kitts və Nevidə investisiya proqramı şərtləri əsasında əcnəbilərə vətəndaşlıq verilir. Ona hər hansı bildiriş göndərilmədən vətəndaşlıq verilib.
– 2013-cü ildə Böyük Britaniyaya səfir təyin olunmazdan əvvəl vətəndaşlıqdan imtina barədə göstəriş verib.
Bildirilir ki, A.Sarkisyan prezident seçilməzdən qısa müddət əvvəl Sent Kitts və Nevi vətəndaşlığından imtina prosesinə başlayıb. Bu o deməkdir ki, o, bu posta seçilə bilməzdi.
Nəşr onu da qeyd edib ki, president tərəfindən verilən bütün fərmanlar, qanunlar, təyinatlar, seçkilər (hətta baş nazirin təyin edilməsi də) qanunsuzdur. O, böyük ehtimalla Ermənistana qayıtmayacaq, çünki saxtakarlıq zəminində cinayət təqibi ilə üzləşə bilər.
