Yaponiya hökuməti ölkə vətəndaşlarını təcili olaraq Ukrayna ərazisini tərk etməyə çağırıb. Bu barədə Tokioda keçirilən mətbuat konfransında Yaponiya Nazirlər Kabinetinin baş katibi Hirokazu Matsuno bildirib:
Ukraynadakı soydaşlarımızı təcili olaraq ərazisini tərk etməyə çağırırıq. Yaponiya səfirliyi ilə bağlı vəziyyətə gəlincə, biz regiondakı vəziyyətə əsasən və vətəndaşlarımızın müdafiəsi nöqteyi-nəzərindən müvafiq tədbirlər görəcəyik.
Hirokazu Matsuno
Yanvarın 24-də Yaponiya Xarici İşlər Nazirliyi Ukraynaya dörd ballıq şkala üzrə üçüncü təhlükə səviyyəsi təyin edib. Bu da bu ölkəyə səfər etməmək çağırışına bərabərdir. Dördüncü səviyyə isə evakuasiya ehtiyacını nəzərdə tutur.
Qeyd: Bundan əvvəl Avstraliya öz vətəndaşlarına Ukraynanı tərk etməklə bağlı çağırış edib.
