Polşa Belarus sərhədində hündürlüyü 5 metrdən çox olan yeni hasarın tikintisinə başlayıb. Bu barədə Polşa Sərhəd Xidməti rəsmi “twitter” hesabında məlumat yayıb:
Polşa-Belarus sərhədində səddin tikintisinə başlanılıb. Sərhəd Xidməti tikinti üçün ərazini podratçılara verib.
Layihənin dəyəri 1.6 milyard polşa zlotası (təxminən 395 milyon dollar) edir. Bu, Sərhəd Xidmətinin tarixində ən böyük tikinti sərmayəsidir. Vəsait Polşa büdcəsindən ayrılacaq.
Polşa Sərhəd Xidməti
Bildirilir ki, divar 5 m hündürlüyündə polad dirəklərdən ibarət olacaq və onların üzərinə cərəyanın altında tikanlı məftillərlə beton bloklar bərkidiləcək. Tikinti işlərinin iyunun sonunadək başa çatdırılması nəzərdə tutulub.
Qeyd: Yeni sərhəd divarı ötən ilin oktyabrında qüvvəyə minmiş sərhəd təhlükəsizliyi haqqında qanuna əsasən tikilir. Səbəb Belarus ərazisindən çoxlu sayda miqrantın Polşaya keçmək cəhdləridir.
