Avropa İttifaqı Rusiya-Ukrayna münaqişəsinin enerji təchizatına zərbə vuracağından ehtiyatlanaraq Azərbaycandan əlavə qaz tədarükü istəyəcək. “Financial Time”ın yaydığı məlumata görə, Brüssel vəziyyətlə bağlı narahatdır.
Aİ-nin enerji məsələləri üzrə komissarı Kadri Simson çoxdan planlaşdırılan nazirlər konfransında iştirak etmək üçün Bakıya gələcək. Bu səfər zamanı kommisar dəstəyi artırmaq məqsədilə Azərbaycanın energetika naziri Pərviz Şahbazov və ekologiya və təbii sərvətlər naziri Muxtar Babayevlə danışıqlar aparacaq:
Biz gözləyirik ki, bu müzakirələr Azərbaycanın Avropaya qaz tədarükü edilməsində oynadığı rola diqqət yetirəcək. Bura Trans-Adriatik Boru Kəməri vasitəsilə Aİ-yə qaz nəqlinin artırılması potensialı daxildir.
Kadri Simson
Nəşr yazır ki, Moskvanın müttəfiqi olan Azərbaycanla planlaşdırılan müzakirələr Rusiyanın Ukrayna ilə müharibəsi nəticəsində enerji qiymətlərində yenidən artım riski ilə bağlı Aİ-nin narahatlığın göstəricisidir.
Belə ki, Rusiya Aİ-nin qaza olan tələbatının təxminən 40 faizini təmin edir, bu da ona Avropa enerji bazarları üzərində böyük nüfuz qazandırır. Brüssel işğala cavab olaraq Moskvaya qarşı hər hansı sanksiyaların qaz tədarükünü məhdudlaşdıran əks tədbirlərə səbəb ola biləcəyindən narahatdır.
