Azərbaycanda kişilərin ödənişli ödənişli atalıq məzuniyyətinin verilməsi qanunvericiliyə daxil ediləcək. Bunu əmək və əhalinin sosial müdafiəsi nazirinin müavini Anar Kərimov “Azərbaycanda gender bərabərliyinə əsaslanan valideynlik məzuniyyəti siyasəti: reallıqlar və perspektivlər” mövzusunda çıxışı zamanı deyib.
Nazir müavini bildirib ki, ölkədə gender bərabərliyinin təmin edilməsi məqsədilə əmək qanunvericiliyi sahəsində bir sıra məqsədyönlü işlər aparılır:
Bu sırada 169 maddəyə dəyişikliyi ehtiva edən “Azərbaycan Respublikasının Əmək Məcəlləsində dəyişikliklər edilməsi haqqında” irihəcmli qanun layihəsinin hazırlandığını qeyd etmək mümkündür. Sözügedən qanun layihəsinin bir elementi də atalıq məzuniyyəti ilə bağlıdır.
Anar Kərimov
Atalıq məzuniyyətinin verilməsi qaydalarını Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin mətbuat katibi Aynur Osmanqızı açıqlayıb.
Məzuniyyət bu şərtlərə veriləcək:
- Həyat yoldaşı doğuşa və hamiləliyə görə məzuniyyətdə olan şəxs doğum ərəfəsində ananın doğuş üçün müraciət etdiyi xəstəxanadan arayış almalıdır;
- Tibbi arayış iş yerinə təqdim edilməlidir;
- İş yeri ata namizədlərinə 14 gün ödənişli məzuniyyət verəcək.
Qeyd: Kişilər atalıq məzuniyyəti hüququndan bir uşaq üçün yox, hər bir övlad üçün istifadə edə bilər. Məzuniyyət pulu isə standart qaydada ödəniləcək.
