Britaniya hökuməti Rusiyaya sanksiyaların tətbiqini nəzərdə tutan qanun layihəsini bir neçə gün ərzində parlamentə təqdim etməyi planlaşdırır. Bu barədə Britaniyanın Xarici İşlər naziri Liz Trass danışıb.
Nazirin sözlərinə görə, sanksiyalar Rusiya bankları, enerji şirkətləri və Kremlə yaxın oliqarxları əhatə edəcək:
Bu, Rusiya prezidenti Vladimir Putini Ukraynaya müdaxilədən çəkindirmək üçün Böyük Britaniyanın son cəhdidir. Hazırda Britaniya yalnız Ukraynada sabitliyin pozulması ilə bağlı fəaliyyətdə birbaşa iştirak edənlərə qarşı sanksiyalar tətbiq edə bilər. Lakin gələcəkdə Kremlin marağında olan və ona dəstək rolunu oynayan istənilən şəxs və şirkətlər sanksiyalara məruz qala bilər.
Liz Trass
Hansı sanksiyalar olacaq: Nazir sanksiyaların detallarını açıqlamasa da, rusiyalı oliqarxların Böyük Britaniyadakı daşınmaz əmlaklarının müsadirəsi kimi addımları da istisna etməyib. Onun sözlərinə görə, Rusiya Ukraynaya müdaxilə etsə, sanksiyaların davam olacaq və hərbi əməliyyatlar Rusiya üçün ciddi problemlər yaradacaq.
Rusiya nə deyir: Britaniya Xarici İşlər Nazirliyinin xəbərdarlığı ilə bağlı prezident Vladimir Putinin mətbuat katibi Dmitri Peskov münasibət bildirib.
Bu, Londondan çox narahatedici bəyanatdır. Düşünürəm ki, onlar təkcə bizi deyil, şirkətlərimizi də narahat edir. Sanksiyalarla bağlı qanun layihəsi Britaniya parlamentində qəbul edilsə, Kreml cavab vermək məcburiyyətində qalacaq. Cavab tədbirləri Rusiyanın öz maraqları əsasında atılacaq.
Dmitri Peskov
Peskov həm də hesab edir ki, rəsmi London Avropada vəziyyəti gərginləşdirməyə çalışır.
