ABŞ yanvarın 22-dən bəri Ukraynaya silahların altıncı partiyasını çatdırıb. Bu barədə Ukraynanın müdafiə naziri Aleksey Reznikov tvitter hesabında məlumat verib:
Bir gün belə keçmədi və biz ABŞ-dan olan dostlarımızdan gələn 6-cı partiyanı qəbul edirik. Kiyevə 84 ton döyüş sursatı gəlib. Ümumilikdə, ABŞ-dan 500 tona yaxın müdafiə texnikası almışıq. Bu da son deyil.
Aleksey Reznikov
Silahların daşınma tarixi:
- 1-ci partiya – 22 yanvar, 90 tondan çox;
- 2-ci partiya – 23 yanvar, 80 tondan çox;
- 3-cü partiya – 25 yanvar;
- 4-cü partiya – 28 yanvar, 81 ton;
- 5-ci partiya – 1 fevral 84 ton.
Yardım nəyə əsasən edilir: Silahlar ABŞ-ın Ukraynaya ayırdığı 200 milyon dollar yardım çərçivəsində tədarük edilir.
Nə baş verib: Rusiya Ukrayna sərhədinə əlavə ordu yerləşdirərək hərbi təlimlərə başlayıb. Bundan sonra müharibə ehtimalını nəzərə alan Qərb ölkələri Ukraynaya hərbi dəstək göstərmək qərarına gəlib. Kiyevə ABŞ-dan başqa, Böyük Britaniya, Kanada, Fransa, Polşa, Litva, Estoniya, Çexiya, Bolqarıstan və Rumıniya silah verib.
