Xəzər Hərbi Tədqiqatlar İnstitutu 44 günlük müharibədən sonra Azərbaycanın Təhlükəsizlik və Müdafiə Sektorunun hərbi itkiləri barədə hesabat hazırlayıb. 2020-ci il noyabrın 10-dan 2022-ci il 31 yanvara qədər olan dövrü əhatə edən hesabatda bildirilir ki, müddət ərzində həyatını itirən hərbçilərin sayı 110-dan çoxdur. İnstitutun araşdırmalarında bildirilir ki, itkilərin sayı artıb və 80-dən çox hərbçi qeyri-döyüş şəraitində həlak olub.
Hesabatda müharibədən sonrakə dövr ərzində hər il neçə həbrçinin həyatını itirdiyi barədə də rəqəmlər açıqlanıb.
2020-ci ilin sonu baş verən ölümlərin səbəbləri:
- qarşı tərəfin açdığı atəşdən – 3 nəfər;
- mina partlayışından – 7 nəfər;
- müharibə vaxtı aldığı xəsarətlərdən – 5 nəfər.
Onların 10 nəfəri əsgər (həmçinin MAXHQ), 4 nəfəri zabit, 1 nəfəri isə gizir hərbi rütbəsində olub.
2021-ci ildə baş verən ölümlərin səbəbləri:
- intihar – 11 nəfər;
- qarşı tərəfin açdığı atəşdən – 11 nəfər;
- əməliyyat tədbirləri zamanı (Azərbaycan – İran sərhədində) – 2 nəfər;
- avtoqəza – 12 nəfər;
- mina partlayışı – 3 nəfər
- hərbi təyyarə qəzası – 14 nəfər;
- müxtəlik xəstəliklər – 7 nəfər;
- qeyri-nizamnamə hadisələri – 2 nəfər;
- naməlum səbəblər – 7 nəfər;
- bədbəxt hadisə – 11 nəfər;
- müharibə vaxtı aldığı xəsarətlərdən – 4 nəfər.
Həlak olanlardan 45 nəfəri əsgər (həmçinin MAXHQ), 7 nəfəri gizir, 32 nəfəri isə zabit rütbəsində olub.
2022-ci ilin ilk ayı baş verən ölümlərin səbəbləri :
- intihar – 1 nəfər;
- qarşı tərəfin açdığı atəşdən – 1 nəfər;
- qeyri-nizamnamə hadisələri – 3 nəfər;
- naməlum səbəb – 2 nəfər;
- xəstəlik səbəbindən – 3 nəfər;
- bədbəxt hadisə – 1 nəfər.
Bu il həlak olanların 4 nəfəri zabit, qalanları isə əsgərlərdir.
