Demokratiya 1918 Hərəkatının (D-18) Yardımlı rayonunda yaşayan üzvü Cəlil Zabidov həbs olunub. Məlumatı hərəkatın feysbuk səhifəsi yayıb.
Qeyd edilir ki, hərəkat üzvü rayonda kafelərin birində olarkən özünü rəis müavini kimi təqdim edən Vüqar Bəhmanov tərəfindən saxlanılıb:
Cəlil Zabidov polis şöbəsinə aparılıb, bir neçə saat sonra Yardımlı Rayon Məhkəməsinə çıxarılıb. O, vəkil tələb etdiyi üçün məhkəmə bir neçə saatlıq təxirə salınıb, vəkillə təmin edildikdən sonra məhkəmənin qərarı əsasında 535-ci maddə ilə (polisin qanuni tələblərinə tabe olmama) ittiham olunaraq 25 sutka inzibati həbs cəzası alıb.
D18 Hərəkatı
Qeyd: Cəlil Zabidov 2020-ci ildə keçirilən Parlament seçkiləri zamanı Yardımlı rayonunda baş verən seçki saxtakarlığını ifşa edərək ictimailəşdirib. O, Yardımlı Rayon Məhkəməsi tərəfindən 2020-ci ildə 5 ay müddətində azadlıqdan məhrum edilib.
