Böyük Britaniyanın baş naziri Boris Conson Rusiya təhlükəsi fonunda Kiyevə dəstək əlaməti olaraq Ukraynaya səfər edib. Baş nazir Ukrayna prezidenti Vladimir Zelenski ilə görüşərək danışıqlar aparıb.
Görüşdə Boris Consonun səsələndirdiyi əsas fikirlər:
- Putin Avropanın təhlükəsizlik xəritəsini dəyişdirməyə və yeni dünya nizamı yeni təsir zonaları yaratmağa çalışır;
- Rusiyanın geri addım atması və diplomatiya yolunu seçməsi həyati əhəmiyyət kəsb edir;
- Biz dialoqda maraqlıyıq, lakin sanksiyalarımız hazırdır;
- Təqdim edilən sanksiyalar fevralın 10-da hazır olacaq;
- Suveren dövlətin ərazisinə müdaxilə baş verdiyi anda bu sanksiyalar tətbiq olunacaq;
- Ukraynaya hərbi yardım göstəririk, iqtisadi əməkdaşlığı da gücləndirəcəyik.
Baş nazir onu da qeyd edib ki, Rusiyanın Ukraynaya hücum edərsə, bu addım Rusiya və bütün dünya üçün siyasi fəlakət olacaq:
Hazırda Rusiyanın Ukrayna ilə sərhəddə çoxlu sayda hərbi qulluqçu cəmləşdirməsi Kiyev hakimiyyəti üçün açıq-aşkar təhlükədir. Biz hərbi əməliyyatlara işarə edən müxtəlif hazırlıqları görürük. Respublika Böyük Britaniya üçün çox şey deməkdir və bu səbəbdən London Ukrayna ətrafında “Qərbi birləşdirmək” rolunu üzərinə götürməyə ehtiyac hiss edir.
Boris Conson
Bundan əlavə, Conson və Zelenski görüşdən sonra birgə bəyanat yayaraq bildiriblər ki, Ukraynanın təhlükəsizliyini və özünü müdafiə etmək qabiliyyətini gücləndirmək üçün birgə işləmək barədə razılaşıblar.
