Estoniya hökuməti Belarusun neft məhsullarının Estoniya ərazisindən daşınmasını dayandırmaq qərarına gəlib. ERR yazır ki, bunu baş nazir Kaya Kallas mətbuat konfransında açıqlayıb. Onun sözlərinə görə, bu yolla Minskə qarşı yeni sanksiyalar tətbiq edirlər:
2707 gömrük kodu altında kömür neftinin Estoniya vasitəsilə tranzitini dayandırmaq qərarına gəlmişik. Sanksiyaların məqsədi Belarus rejiminə və dolayısı ilə Rusiyaya öz davranışlarını dəyişdirmək üçün təzyiq göstərməkdir.
Kaya Kallas
Bundan başqa, Estoniyanın Maliyyə Nazirliyi də Belarus məhsullarına qarşı əlavə sanksiyaların tətbiqi təşəbbüsü ilə çıxış edib. Maliyyə naziri Keyt Pentus-Rosimannus bununla bağlı baş nazirə və Xarici İşlər Nazirliyinə məktub göndərib.
