NATO-nun baş katibi Yens Stoltenberq Rusiyanın son günlər Belarusa 30 minə yaxın döyüş qoşunu və müasir silahlar göndərdiyini açıqlayıb. “Reuters”in məlumatına görə, bu haqda Stoltenberq Brüsseldə jurnalistlərə açıqlama verib:
Yerləşdirməyə xüsusi təyinatlı əməliyyat qüvvələri, SU-35 döyüş təyyarələri, ikili “İsgəndər” raketləri və S-400 hava hücumundan müdafiə sistemləri daxildir.
Yens Stoltenberq
NATO rəsmisi onu da əlavə edib ki, bütün bunlar Rusiyanın nüvə silahlarıyla illik təlimləri ilə paralel baş verir.
Rusiya nə deyir: Rusiya hakimiyyəti qüvvələrin yerləşdirilməsinin Ukraynanı işğala hazırlaşmaqla bağlı deyil. Belarusda “Belarus və Rusiya İttifaq Dövləti”nin hərbi qüvvələrinin plandankənar yoxlanışı aparılır.
Belarus nə deyir: Minsk təlimləri “Belarus sərhədləri ətrafındakı vəziyyət, Avropada gərginliyin artması və dünyada hərbi-siyasi vəziyyətin gərginləşməsi ilə” bağlıdır.
